Qashqadaryoda ota aliment o‘rniga farzandlariga uy berdi
Qashqadaryo viloyati Shahrisabz tumanida ota aliment o‘rniga farzandlariga o‘ziga tegishli bo‘lgan uy va hovlisini bergan. Bu haqda MIB Qashqadaryo viloyat boshqarmasi xabar bermoqda.
Ma'lum qilinishicha, Fuqarolik ishlari bo‘yicha Shahrisabz tumanlararo sudining 2011 yil 2 martdagi qarori bilan Kitob tumanida yashovchi qarzdor D.Yu.dan da'vogar G.S. foydasiga 4 nafar farzandining moddiy ta'minoti uchun har oyda ish haqi va topgan daromadining ikkidan bir qismi miqdorida aliment undirish belgilangan.
Mazkur ijro hujjati Majburiy ijro byurosi Kitob tuman bo‘limi ish yurituviga kelib tushgan va ijro ishi yurituvi qo‘zg‘atilgan.
Qayd etilishicha, majburiy ijro harakatlari davomida qarzdor ota aliment pullarini o‘z vaqtida to‘lab kelgan. Shuningdek, D.Yu. kelgusidagi aliment pullarini bir yo‘la to‘lash hamda farzandlari kelajagi uchun ularga alohida boshpana berish maqsadida o‘ziga tegishli bo‘lgan hovlini undiruvchi G.S.ga rasmiylashtirib berishni lozim topgan. Ushbu kelishuv notarius orqali rasman tasdiqlanib, mazkur ijro hujjati tegishli tartibda tamomlangan.
Mavzuga oid
11:45 / 12.09.2024
Alimentda rekord: ayol 3 nafar farzandi ta’minoti uchun sobiq eriga 1,7 mlrd so‘m to‘ladi
16:47 / 07.08.2024
Navoiyda aliment to‘lashdan qochib yurgan ota choyxonadan topildi
16:44 / 10.07.2024
Hojimat Erkinovda oilaviy mojaro: U farzandi uchun qancha aliment to‘lashi kerak?
13:07 / 09.07.2024