Benzin ishlab chiqarish yanada kamaydi

 Davlat statistika qo‘mitasi xabariga ko‘ra, 2019 yilning yanvar-sentabr oylarida respublikada avtomobil benzini ishlab chiqarish hajmi 13,2 foizga kamaydi.

Qayd etilishicha, 2018 yilning shu davrida 873,2 ming tonna benzin ishlab chiqarilgan bo‘lsa, 2019 yilda - 758,1 ming tonna.

Dizel yoqilg‘isini ishlab chiqarish hajmida ham pasayish kuzatildi - 5,4 foiz. 2018 yilda 806,8 ming tonna dizel ishlab chiqarilgan bo‘lsa, 2019 yilda - 763,4 ming tonna.

Shu bilan birga, O‘zbekiston 2019 yil yanvar-sentabr oylarida neft qazib olishni 2018 yilning shu davriga nisbatan 6,5 foizga qisqartirdi - 524,9 ming tonnagacha.

2019 yil yanvar-sentabr oylarida tabiiy gaz qazib olish qariyb 45,05 milliard kub metrni tashkil etdi, bu 2018 yilning shu davriga nisbatan 0,8 foizga kam.

2019 yil yanvar-sentabr oylarida O‘zbekiston 1,56 million tonnadan ortiq gaz kondensati qazib oldi, bu 2018 yilning shu davriga nisbatan 3,3 foizga kamdir.