Qayd etilishicha, joriy yilning yanvar–mart oylarida respublika bo‘yicha jami 191 086 ta tirik tug‘ilish holati ro‘yxatga olingan.
Tug‘ilishlar otaning yosh guruhlari bo‘yicha tahlil qilinganda, 25 yoshgacha bo‘lgan otalar hissasiga 16 398 ta holat to‘g‘ri kelgan. Eng katta ulush — 158 984 ta tug‘ilish 25–39 yoshli otalar hissasiga to‘g‘ri kelmoqda.
Shuningdek, 40–59 yoshli otalar hissasiga 15 542 ta tug‘ilish to‘g‘ri kelgan bo‘lsa, 60 yosh va undan katta erkaklar orasida 162 nafar ota bo‘lgani ma’lum qilindi.
Ulardan 14 nafari 70 yoshdan oshgani statistik ma’lumotlarda qayd etilgan.
