Twitter tvitning uzunligi bo‘yicha ba'zi cheklovlarni olib tashladi

Twitter mikrobloglar xizmati 19 sentabrdan boshlab xabarlarda belgilarning hisoblanishi siyosatini o‘zgartirdi. Endilikda xabarlarga suratlar, gif-animatsiyalar, video va so‘rovnomalar qo‘shilganida, matndagi belgilar sonini cheklanmaydi.

Shuningdek, iqtibos sifatida keltirilgan tvitlar ham hisobga olinmaydi. Bu so‘rovlar o‘tkazish funksiyasiga ham taalluqli.

«Shu tariqa foydalanuvchilarda o‘zaro muloqotlarda fikrlarini ifoda etish imkoniyatida qulaylik paydo bo‘ldi», — deyilgan Twitter xabarida.

Shu yilning mayida Twitter post yozishda ilova qilingan linklarni hisobga olmasligi xabar berilgan edi, ammo ushbu qoida qachon amalda qo‘llana boshlanishi noma'lum.