2024 yilgi kirish imtihonlarida test sinovi olinadigan fanlar majmuasi tasdiqlandi
Keyingi yilgi kirish imtihonlarida OTM yo‘nalishlariga qaysi fanlardan imtihon olinishi belgilangan ro‘yxat e’lon qilindi. Avvalroq test tuziladigan darsliklar ham ma’lum qilingandi.
Oliy ta’lim, fan va innovatsiyalar vazirligi 2024/2025 o‘quv yili uchun bakalavriat ta’lim yo‘nalishlari va ularga mos test sinovi (kasbiy (ijodiy) imtihon) topshiriladigan fanlar majmuasi e’lon qildi.
Abituriyentlar yo‘nalishlar bo‘yicha fanlar majmuasida ko‘rsatilgan 2 ta mutaxassislik fanidan tashqari majburiy fanlar: ona tili, matematika va O‘zbekiston tarixidan ham test topshiradi.
Vazirlik ma’lumotiga ko‘ra, 2024/2025 o‘quv yili qabul parametrlari tasdiqlanganda yangi tashkil etilgan ta’lim yo‘nalishlari fan majmualari qo‘shimcha tasdiqlanadi.
Ta’lim yo‘nalishlarini optimallashtirish natijasiga ko‘ra yo‘nalishlar nomi o‘zgarganda, shuningdek, yangi yo‘nalishlar tashkil etilganda mos ravishda tegishli o‘zgartirishlar kiritilishi mumkin.
Qonunchilikka ko‘ra, fanlar majmuasi Oliy ta’lim, fan va innovatsiyalar vazirligi tomonidan tasdiqlanadi hamda imtihon sinovlari boshlanishidan kamida 6 oy oldin e’lon qilinishi kerak.
Avvalroq 2024/2025 o‘quv yili bakalavriat kirish imtihonlariga tayyorlanish uchun darsliklar ro‘yxati ham ma’lum qilingandi.
Mavzuga oid
15:03 / 14.08.2024
O‘qishni ko‘chirish bo‘yicha test sinovlari sanalari e’lon qilindi
14:00 / 09.08.2024
“Test tuziladigan adabiyotlar ro‘yxatini e’lon qilish agentlikning vazifasi emas” - BMBA
19:47 / 24.07.2024
Yangi tartib bo‘yicha tushuntirish – test balli aniq bo‘lgan abituriyent nimalarni tanlaydi?
17:35 / 14.07.2024