FIFA klublar o‘rtasidagi jahon chempionati hakamlarini e'lon qildi - unda o‘zbekistonliklar ham bor

FIFA klublar o‘rtasidagi jahon chempionatida ishlaydigan hakamlar ro‘yxatini e'lon qildi.

6 - 16 dekabr kunlari BAA mamlakatida o‘tkaziladigan musobaqada har bir konfederatsiyadan bittadan, jami 6ta hakamlar brigadasi ish olib boradi.

Osiyo futbol konfederatsiyasi nomidan Ravshan Ermatov boshchiligidagi o‘zbekistonlik hakamlar mehnat qiladi. 

Musobaqa bosh hakamlari: UYeFA - Feliks Brix (Germaniya), Osiyo FK - Ravshan Ermatov (O‘zbekiston), AFK - Malan Dedyu (Senegal), KONKAKAF - Sezar Arturo Ramos Ralasuelos (Meksika), KONMeBOL - Sandro Richchi (Braziliya), Okeaniya FK - Mettyu Konger (Yangi Zelandiya).

Yana 8 nafar hakam videoassistent tizimida ish olib boradi: Abduraxmon Al-Josim (Qatar), Mark Geyger (AQSh), Andres Kunya (Urugvay), Vilton Sampayo (Braziliya), Mauro Vigliano (Argentina), Artur Diash (Portugaliya), Kleman Turpen (Fransiya) va Feliks Tsvayyer (Germaniya).

Chempionatda «Real» (Ispaniya), «Pachuka» (Meksika), «Oklend Siti» (Yangi Zelandiya), «Al-Jazira» (BAA) va «Vidad» (Marokash) klublari ishtirok etadi. Noyabr oyi oxirida Janubiy Amerika va Osiyo qit'asidan ishtirok etuvchi klublar nomi ma'lum bo‘ladi.