Milliy basketbol uyushmasi Nike bilan 8 yillik shartnoma imzoladi

Milliy basketbol uyushmasi komissioneri Adam Silver liga sport kiyimlari ishlab chiqaruvchi Nike kompaniyasi bilan 8 yilga mo‘ljallangan homiylik shartnomasini imzolaganini ma'lum qildi.

ESPN nashrining yozishicha, kelishuv 2017/18 mavsumidan kuchga kiradi. Shartnomaning amal qilish muddati davomida uyushma qariyb 1 mlrd dollar ishlab topadi.
Ayni paytda liga jamoalariga kiyim yetkazib beruvchi firma Adidas’dir.