Mehmonxonalarda sodir bo‘lgan teraktlar tufayli Tunisda 80ta masjid yopiladi

Tunis hukumati 26 iyun kuni O‘rta Yer dengizi sohilidagi 2 mehmonxonada xorijlik o‘nlab sayyohlar jangarilar tomonidan o‘ldirilganidan so‘ng, mamlakat hududidagi 80ta masjidni yopishga qaror qildi.

Reyter ma'lumotlariga ko‘ra, bu haqda mamlakat bosh vaziri e'lon qilgan.

Bosh vazir Habib Essidning aytishicha, hukumatning kuchli nazorati o‘rnatilmagan chekka hududlardagi masjidlar yopiladi.