Toshkentda ko‘ngilochar zona ichida MDHda tengi yo‘q kartodrom quriladi

Labzak va Zulfiyaxonim ko‘chalari o‘rtasidagi hududda 2014 yildan buyon “Anhor-Lokomotiv” dam olish va attraksionlar parki zonasi qurilmoqda.
Qurilish uchun ajratilgan uchastkada 320 o‘rinli restoran yaratish rejalashtirilgan. Shu yerning o‘zida 12 ming kv m hududga ega ulkan kartodrom quriladi. U kattaligi bo‘yicha MDHda yagona kompleks bo‘ladi.

Yozgi kinoteatrda bayramona konsertlar va tadbirlar o‘tkaziladi. 1 810 kv m hududni egallaydigan suv omborida qayiqlarda sayr qilish, suv inshootinin kesib o‘tadigan ko‘prik ustida sayr qilish mumkin bo‘ladi.
Bundan tashqari, hordiq chiqarish zonasida rang-barang favvoralar, bolalar restorani, attriatsionlar, avtodrom va boshqa narsalar qad ko‘taradi.

U yerda, shuningdek, O‘zbekiston shaharlaridagi yetti tarixiy obidaning kichik maketlarini yaratish ko‘zda tutilmoqda. Bular teleminora, kurantlar, Temuriylar muzeyi, Xivadagi Kaltaminor, Samarqanddagi Sherdor yodgorliklari, Andijondagi Bobur yodgorlik majmuasi, Buxorodagi Minorai Kalon obidasidir.