Тошкентда кўнгилочар зона ичида МДҲда тенги йўқ картодром қурилади

Лабзак ва Зулфияхоним кўчалари ўртасидаги ҳудудда 2014 йилдан буён “Анҳор-Локомотив” дам олиш ва аттракционлар парки зонаси қурилмоқда.
Қурилиш учун ажратилган участкада 320 ўринли ресторан яратиш режалаштирилган. Шу ернинг ўзида 12 минг кв м ҳудудга эга улкан картодром қурилади. У катталиги бўйича МДҲда ягона комплекс бўлади.

Ёзги кинотеатрда байрамона концертлар ва тадбирлар ўтказилади. 1 810 кв м ҳудудни эгаллайдиган сув омборида қайиқларда сайр қилиш, сув иншоотинин кесиб ўтадиган кўприк устида сайр қилиш мумкин бўлади.
Бундан ташқари, ҳордиқ чиқариш зонасида ранг-баранг фавворалар, болалар ресторани, аттриационлар, автодром ва бошқа нарсалар қад кўтаради.

У ерда, шунингдек, Ўзбекистон шаҳарларидаги етти тарихий обиданинг кичик макетларини яратиш кўзда тутилмоқда. Булар телеминора, курантлар, Темурийлар музейи, Хивадаги Калтаминор, Самарқанддаги Шердор ёдгорликлари, Андижондаги Бобур ёдгорлик мажмуаси, Бухородаги Минораи Калон обидасидир.