Filipe Luis "Atletiko Madrid" bilan 4 yillik shartnoma imzoladi

“Chelsi” himoyachisi Filipe Luis “Atletiko Madrid” klubiga o‘tdi. Bu haqda ikki klubning rasmiy saytida ma'lum qilindi.

29 yoshli futbolchining shartnomasi 4 yil muddatga tuzilgan. Jamoalar transfer bahosini oshkor qilmadi. Avvalroq, “Atletiko” futbolchi uchun 16 mln yevro to‘lashi haqida xabar berilgan edi.

Ma'lumot uchun, Filipe Luis “Atletiko” tarkibida 2010-2014 yillarda to‘p surgan. 2015 yilda 22 mln yevro evaziga “Chelsi”ga o‘tgan edi. Angliya Premer ligasi doirasida futbolchi 15ta uchrashuvda maydonga tushdi.