Gruziyada 9 mamlakatga mansub sayyohlar mingan mikroavtobus YTHga uchradi

Gruziyada Zugzdidi — Jvari trassasida harakatlanayotgan Mercedes-Benz rusumli mikroavtobus yog‘och ustunga to‘qnashib ketdi va undagi 15 nafar yo‘lovchi sayyoh jarohatlandi. Bu haqda «Interfaks» xabar bergan.

Ma'lum qilinishicha, yo‘lovchilar 9 xil davlatga mansub fuqarolardir. Ulardan 4 nafari shifoxonaga olib borilgan.

Gruziya IIV hodisa sabablarini o‘rganmoqda. Sayyohlarning aynan qaysi davlatlarga mansubligiga hozircha aniqlik kiritilmagan.