Rossiya samolyotlari bir sutkada 10ta zarbani amalga oshirdi

Rossiya havo kosmik kuchlari bugungi kun davomida Suriyadagi IShID pozitsiyalari bo‘ylab 10ta aviazarbani amalga oshirdi. Bu haqda RF mudofaa vazirligi ma'lumot berdi.

Jami 20ta parvoz amalga oshirildi. Amaliyotlarda Su-34, Su-24M va Su-25 samolyotlari ishtirok etdi.

Qo‘mondonlik bosh shtabining baho berishicha, terrorchilarning infrastrukturasiga ta'sirchan zarbalar berishga muvaffaq bo‘lindi.