Tojikistondagi darada tosh ko‘chkisi tufayli 4 kishi halok bo‘ldi

Tojikiston shimolidagi tog‘li hududda harakatlanayotgan mikroavtobus ustiga harsangtosh quladi va 4 kishi halok bo‘ldi. Ulardan biri haydovchi ekani aytilgan. Bu haqda mamlakat IIV matbuot xizmati xabar tarqatgan.

Shuningdek, avtobusdagilarning ikki nafar jarohatlangan. Jarohatlanganlardan biri 2 yoshli bola ekani aytilgan.

"Ushbu avariya Dushanbe shahrini mamlakat shimoli bilan bog‘laydigan hududda ro‘y berdi. Ustiga harsangtosh tushgan mikroavtobus 300 metr pastlikdagi jarlikka qulagan", deyiladi xabarda.