Forbes: Miller – Rossiyaning eng qimmatbaho top-menejyeri

“Gazprom” boshqaruvi raisi Aleksey Miller Rossiyaning eng qimmatbaho top-menejyerlari ro‘yxatida Forbes jurnali versiyasi bo‘yicha birinchi o‘rinni egalladi. Uning 2014 yildagi mehnat haqi 27 mln dollarni tashkil qildi, deyiladi nashrning ruscha saytida.

“Kompaniyaning daromadi rubl ifodasida 7 barobarga, dollar ifodasida 9 barobarga tushib ketgan bo‘lishiga qaramay, “Gazprom” boshqaruvi raisi Aleksey Millerning mukofoti, Forbes hisob-kitobiga ko‘ra, 25 mln dollardan 27 mln dollargacha o‘sdi”, - deyiladi maqolada.

Ikkinchi o‘rinda o‘tgan yilga ro‘yxatning yetakchisi – VTB rahbari Andrey Kostin turibdi. Uning mukofoti 21 mln dollarni tashkil qildi. Uchinchi pog‘ona esa 17.5 mln dollarga ega bo‘lgan “Rosneft” rahbari Igor Sechinga nasib qildi.