Forbes: Миллер – Россиянинг энг қимматбаҳо топ-менежери

“Газпром” бошқаруви раиси Алексей Миллер Россиянинг энг қимматбаҳо топ-менежерлари рўйхатида Forbes журнали версияси бўйича биринчи ўринни эгаллади. Унинг 2014 йилдаги меҳнат ҳақи 27 млн долларни ташкил қилди, дейилади нашрнинг русча сайтида.

“Компаниянинг даромади рубль ифодасида 7 баробарга, доллар ифодасида 9 баробарга тушиб кетган бўлишига қарамай, “Газпром” бошқаруви раиси Алексей Миллернинг мукофоти, Forbes ҳисоб-китобига кўра, 25 млн доллардан 27 млн долларгача ўсди”, - дейилади мақолада.

Иккинчи ўринда ўтган йилга рўйхатнинг етакчиси – ВТБ раҳбари Андрей Костин турибди. Унинг мукофоти 21 млн долларни ташкил қилди. Учинчи поғона эса 17.5 млн долларга эга бўлган “Роснефть” раҳбари Игорь Сечинга насиб қилди.