Inqiroz tufayli Tojikistonda 20 ming tadbirkor biznesdan chiqib ketdi

2015 yilning boshidan sentabriga qadar Tojikistonning 20 ming nafar xususiy tadbirkori biznesni tark etib, tegishli patent va sertifikatlarini topshirishdi. Bu haqda Tojikiston prezidenti huzuridagi statistika agentligi ma'lumotlariga tayangan holda Tojik telegraf agentligi xabar bermoqda.

Tadbirkorlarning o‘zlari faoliyatlariga yakun yasagan narsa dollar kursining oshishi, soliq to‘lovlari va bank foizlarining ko‘tarilishi bo‘lganini ta'kidladilar.
Ayni paytda Tojikistonda 155 ming xususiy tadbirkorlik sub'yektlari ro‘yxatga olingan.