Kaliforniyada masjidga o‘t qo‘yishda gumon qilingan shaxs qo‘lga olindi

AQShning Kaliforniya shtati politsiyasi masjidni yoqib yuborgani gumon qilingan shaxsni qo‘lga olishdi. Bu haqda Associated Press xabar tarqatdi.

Shtatdagi Palm-Springs shaharchasi markazidagi masjidda yong‘in chiqqandi. Hodisa natijasida jabrlanganlar yo‘q.

Kalifoniyada istiqomat qiluvchi musulmonlar jurnalistlarga oxirgi vaqtlarda, xususan San-Bernardinodagi ommaviy qotillik voqeasidan keyin tahdid xavfi ostida qolishganini aytishgan.

Hukumat vakilining aytishicha, ayni vaqtda kaliforniyaliklar orasida diniy nafrat va irqchilik kayfiyatlari kuchaygan.

Eslatib o‘tamiz, 2 dekabr kuni Palm-Springsdan 120 km masofadagi San-Bernardino shahridagi nogironlarni himoya qilish markazida shu markaz xodimi Sayd Rizvan Faruq va uning rafiqasi Tashfen Malik otishma sodir etgan hamda 14 kishini o‘ldirib, 21 kishini jarohatlashgandi.