Калифорнияда масжидга ўт қўйишда гумон қилинган шахс қўлга олинди

АҚШнинг Калифорния штати полицияси масжидни ёқиб юборгани гумон қилинган шахсни қўлга олишди. Бу ҳақда Associated Press хабар тарқатди.

Штатдаги Палм-Спрингс шаҳарчаси марказидаги масжидда ёнғин чиққанди. Ҳодиса натижасида жабрланганлар йўқ.

Калифонияда истиқомат қилувчи мусулмонлар журналистларга охирги вақтларда, хусусан Сан-Бернардинодаги оммавий қотиллик воқеасидан кейин таҳдид хавфи остида қолишганини айтишган.

Ҳукумат вакилининг айтишича, айни вақтда калифорнияликлар орасида диний нафрат ва ирқчилик кайфиятлари кучайган.

Эслатиб ўтамиз, 2 декабрь куни Палм-Спрингсдан 120 км масофадаги Сан-Бернардино шаҳридаги ногиронларни ҳимоя қилиш марказида шу марказ ходими Сайд Ризван Фаруқ ва унинг рафиқаси Ташфен Малик отишма содир этган ҳамда 14 кишини ўлдириб, 21 кишини жароҳатлашганди.