AQSh elchisi: O‘zbekistonda majburiy mehnatni bartaraf etish borasidagi ishlardan mamnunmiz

AQSh O‘zbekistonda majburiy mehnat holatlarini bartaraf qilish borasidagi ijobiy natijalardan mamnun. Bu haqda AQShning O‘zbekistondagi elchisi Pamela Spratlen 9 fevral kuni berilgan matbuot anjumanida aytib o‘tdi.

Jurnalistlarning savollariga javob berarkan, Spratlen xonim 19 yanvar kuni Vashingtonda o‘tgan O‘zbekiston-AQSh maslahatlashuvlarining 6-raundida ko‘tarilgan ayrim masalalarga to‘xtalib o‘tdi.

“Maslahatlashuvlar ochiq va samimiy ruhda o‘tdi, - dedi u. – O‘zbekiston vakillari o‘zlarining bilimlari va ekspert fikrlari bilan yaxshi taassurot qoldirishdi. Biz majburiy mehnat holatlarini bartaraf qilish bo‘yicha ijobiy o‘zgarishlarni ko‘rmoqdamiz. O‘zbekiston hukumati bilan mazkur sohada hamkorlik qilayotganimizdan ruhlanmoqdamiz”.