«Lester» Germaniya terma jamosi darvozaboni bilan 4 yillik shartnoma imzoladi

Germaniya terma jamoasi darvozabonlaridan biri Ron-Robert Tsiler rasman «Lester» jamoasi a'zosiga aylandi.

Ingliz klubi Germaniya terma jamoasi safida 2014 yili JChda g‘olib bo‘lgan  26 yoshli bu darvozabon bilan 2020 yilning iyuniga qadar shartnoma tuzgan.

Transfer qiymati va futbolchining yangi jamoasidagi maoshi miqdori haqida aniq ma'lumotlar keltirilmagan.

«Lester» Tsigler uchun «Gannover»ga 3,5 million yevro to‘lashi haqida xabarlar berilgandi.