Qozog‘istonda terroristik xavfning “sariq” darajasi 30 kunga uzaytirildi

Aqto‘bedagi teraktdan so‘ng Qozog‘istondagi terroristik xavfning “sariq” darajasi yana 30 kunga uzaytirildi. Bu haqida respublika Milliy xavfsizlik komitetining ma'lumotiga tayanib, RIA “Novosti” xabar berdi. Ta'kidlanishicha, 6 iyundan e'tiboran Qozog‘istondagi terroristik xavfning “sariq” darajasi e'lon qilingan. 

“Qozog‘iston Respublikasi Aksilterror markazi terroristik xavfning “sariq” darajasi butun mamlakat bo‘ylab 2016 yilning 16 iyulidan boshlab 30 kunga uzaytirilishi haqida ma'lum qiladi”, - deyiladi xabarda.