Suriyada Rossiya vertolyoti urib tushirildi

Rossiya HKK tasarrufidagi Mi-8 rusumli harbiy vertolyot Suriyaning Idlib viloyati hududida urib tushirildi. 

Vertolyot bortida 5 kishi bo‘lgan, hozircha ularning taqdiri noma'lumligicha qolmoqda. 

Ijtimoiy tarmoqda tarqalgan kadrlardan birida uchuvchining jasadi ko‘rsatiladi. Lekin Suriyadagi muxolifat telekanali vertolyot bortidagilar asir olingani haqida xabar bergan.

Idlib viloyatida Suriya armiyasi va muxolifat kuchlari o‘rtasida urush ketmoqda. Rossiya aviatsiyasi rasmiy Damashqni qo‘llab-quvvatlaydi.