Devid Kemeronga Qozog‘istonda sulton bo‘lish taklif etildi

Qozog‘iston musulmonlari ittifoqi (QMI) Buyuk Britaniyaning sobiq bosh vaziri Devid Kemeronga ittifoq rahbari Murat Telibekovning maslahatchisi bo‘lish taklifini berdi. Bu haqida Tengrinews.kz xabar tarqatgan.

Qozog‘istonliklar Kemeronga 3 mln funt (1,4 milliard tenge) miqdorida oylik maosh taklif qilishgan. Shuningdek, u taklifni qabul qilish orqali Qozoq sultoni maqomini olishi hamda uning ixtiyorida mamlakatdagi eng chiroyli qizlar yig‘ilgan haram bo‘lishi mumkin.

Qolaversa, u jamoat transportidan tekinga foydalanishi mumkin.

Qayd etilishicha, Qozog‘iston musulmonlari ittifoqining Kemeronga ikkita talab qo‘yadi: Qozoq tilini o‘rganish va cunnat qildirish.

Devid Kemeron joriy yilning 13 iyulida Buyuk Britaniya bosh vaziri lavozimidan iste'fo berdi. Uning o‘rniga Tereza Mey Buyuk Britaniya bosh vaziri bo‘ldi.