Germaniya g‘arbida qurollangan erkak qahvaxonani qo‘lga oldi

Germaniya g‘arbida joylashgan Saarbryukken shahri markazida qurollangan erkak qahvaxonalardan biriga kirib oldi va u yerni qo‘lga oldi. Bu haqda mahalliy OAV xabar bermoqda.

Shahar politsiyasi rasmiy vakilining RIA “Novosti”ga aytishicha, erkakning shaxsi aniqlangan. U saarbryukkenlik bo‘lib, yoshi 43 da. Uning aytishicha, qahvaxonada undan boshqa hech kim yo‘q”.

Agentlik suhbatdoshining aytishicha, erkak aloqaga chiqmagan. Voqea joyida psixolog va suhbatdoshlar guruhi ish olib bormoqda. U, shuningdek, “bir guvohning so‘zlariga ko‘ra, erkak qip-qizil qonga bo‘yalgan, ammo bu hali aniqlashtirilmagan"ini ma'lum qilgan.

Bild am Sonntag nashrining ma'lumotiga ko‘ra, maxsus qo‘shin yaqin vaqt ichida hujumga o‘tishni rejalashtirmoqda. Saarbryukken markazi berkitilgan.

“Reyter” agentligining politsiyaga asoslanib xabar berishicha, hech narsa voqeaning terrorizm bilan aloqasi borligini ko‘rsatmayapti. 

Aniqlashtirilishicha, erkak qahvaxona egasining kuyovi hisoblanadi va u ayni damda asabi qattiq buzilgan holatda.