“Barselona” “Betis”ni yanchib tashladi, Suaresdan “xet-trik”

Ispaniya chempionatining 1-turini “Barselona” juda ishonchli tarzda g‘alaba bilan boshladi. 

“Kamp Nou”da kataloniyaliklar “Betis”ni qabul qildi. Bahsning 6-daqiqasida Arda Turan hisobni ochgandi. Keyinchalik mehmonlar muvozanatni tikladi. Shundan keyin “Barselona” raqibini ayab o‘tirmadi. Messi va Suares tandemi birin-ketin “Betis” darvozasini ishg‘ol qilishdi. Ushbu o‘yinda urugvaylik hujumchi “xet-trik”ka erishgan bo‘lsa, Messi dubl bilan cheklandi. 

“Barselona” – “Betis” – 6:2

Gollar: 1:0 – 6 Turan, 1:1 – 21 Ruben Kastro, 2:1 – 37 Messi, 3:1 – 42 Suares, 4:1 – 56 Suares, 5:1 – 57 Messi, 6:1 – 82 Suares, 6:2 – 84 Ruben Kastro.

Ogohlantirishlar: Sexudo (45), Suares (62), Sebalos (68), Ruben Kastro (77).