Rossiya olimpiyachilari samolyoti Riodan 3,5 soatlik kechikish bilan uchdi

Rossiya terma jamoasi sportchilari Rio-de-Janeyrodan Moskvaga uchuvchi samolyotning havoga ko‘tarilishini 3,5 soat samolyot ichida kutishlariga to‘g‘ri keldi. Bu haqda Rossiya Olimpiya qo‘mitasi prezidenti Aleksandr Jukov ma'lum qildi.

Samolyot bortida sinxron suzish, gandbol, badiiy gimnastika, erkin kurash, boks va zamonaviy beshkurash musobaqalari g‘oliblari bo‘lgan.

Jukov aeroportning "oltin reys" yarim soatlik kechikish bilan uchgani haqidagi xabarini inkor etdi

"Biz 3,5 soatga yaqin samolyotda kutib o‘tirdik", deb aytdi Jukov.

Rossiyalik chempionlar 23 avgustda Sheremetevo aeroportida kutib olinadilar. Dastlab uchrashuv Moskva vaqti bilan soat 16:45 ga belgilangan edi. Rossiyalik sportchilar samolyoti, shuningdek, Madridga yoqilg‘i to‘ldirish uchun qo‘nib o‘tadi.