Xitoyda sirk tomoshasi vaqtida 4 dorboz daryoga qulab tushdi

4 nafar dorboz Xitoyning Pensi shahridagi (Sichuan provinsiyasi) sirk tomoshasi vaqtida daryoga qulab tushdi. Bu haqda Xitoy xalqaro radiosiga (CRI) asoslangan holda RIA Novosti xabar tarqatgan.

Qayd etilishicha, hodisa sababi hozircha aniqlanmagan. Dorbozlardan 2 nafari cho‘kib halok bo‘lgan, ulardan birini qutqarishgan, yana biri esa bedarak yo‘qolgan. Ayni vaqtda uni qidirish ishlari davom ettirilmoqda, hodisa bo‘yicha tekshiruvlar boshlangan.