«MYu» 30 yillik muxlisiga mehmonda o‘tadigan uchrashuvlariga borishni taqiqlab qo‘ydi

“Manchester Yunayted” ashaddiy muxlislaridan biriga APL doirasida o‘tadigan mehmon o‘yinlariga borish taqiqlab qo‘ydi. Grem Klark ismli ushbu fanat “qizil iblis”larning mehmonda o‘tkazadigan o‘yinlari uchun 30 yil davomida abonement sotib olgan. APLning 3-tur “Xall Siti” (1:0) bilan bo‘lgan o‘yin oldidan u o‘zini yomon his qilgan va o‘yinga bormagan.

Daily Mail’ning xabariga ko‘ra, “MYu”ning ishqibozlar bilan ishlash xizmati unga bir yil davomida jamoaning mehmonda o‘tadigan uchrashuvlariga borishni taqiqladi. Klark bu ishni apellyatsiyaga berdi, ammo uni rad etishdi. Jamoa bu holatni shunday izohladi: har bir chiptaning o‘z o‘rni bor, ularni bitta qoldirmay, albatta, sotish zarur.

Mazkur xizmat vakili Sem Kellexerning tushuntirishicha, ishqiboz o‘z chiptasini olmasligi va buning evaziga kompensatsiya olishi mumkin edi. Ammo u bunday qilmagan.

manba:tribuna.uz