Pike terma jamoadagi faoliyatini qachon yakunlashini ma'lum qildi

Ispaniya terma jamoasi va “Barselona” himoyachisi Jyerar Pike JCh-2018 saralash bosqichining 3-turida Albaniyaga qarshi o‘yindan keyin o‘z fikrlarini bildirdi. 

“Rossiyadagi Jahon chempionati Ispaniya terma jamoasidagi so‘nggi turnirim bo‘ladi. Bu borada ko‘p o‘yladim va qiyin qarorni qabul qildim”, – deydi Pike.

29 yoshli Pike Ispaniya terma jamoasi safida 2009 yildan buyon to‘p surib kelmoqda. Shu vaqtga qadar himoyachi "qizil furiya"lar libosida 85 o‘yinda maydonga tushib, 5 ta gol kiritgan. 

Manba: Tribuna.Uz