Zidan nima uchun PSJ bosh murabbiyi bo‘lmasligini ma'lum qildi

“Real Madrid” bosh murabbiyi Zinedin Zidan kelajakdagi rejalari bilan o‘rtoqlashdi.

“Hozir men “Real”daman va bundan zavq olmoqdaman. Uzoq muddatli rejalar tuzishga o‘rganmaganman. Men ertangi kuni nima olib kelishini bilmayman va bu u qadar yomon emas.

“Marsel”mi? Buning iloji yo‘q, deya olmayman. Bu klubda ertaknamo nimadir bor. Barchangiz jamoa o‘z formasida bo‘lganida ajoyib o‘yin ko‘rsata olishini bilasiz. Biz “Marsel” o‘zining eng yuqori cho‘qqisiga qaytishini xohlaymiz.

PSJmi? Ilojsiz. Men Marselda tug‘ilganman, hozir Madridda murabbiylik qilaman. Bu juda murakkab”, – dedi Zidan.