Tailand shahzodasi 1 dekabr kuni taxtga o‘tiradi

Tailand hukumati merosxo‘r shahzoda Maxa Vatchiralongkon Maxidola 1 dekabr kuni taxtni egallashiga tayyorgarlik ko‘rmoqda. Bu haqda vaziyat bilan tanish harbiy manbaga asoslanib, Reyter agentligi xabar bergan.

"Biz tayyorgarlik olib boryapmiz. Barcha 1 dekabrni kutyapti. Bu muddat Zoti Oliylariga ham taalluqli", — dedi agentlik.

Avvalroq Tailand bosh vaziri general Prayut Chan-Ocha yangi hukmdor taxt tepasiga kelguniga qadar, 13 oktabr kuni olamdan o‘tgan qirol Pxumipxon Adul'yadetning dafn marosimidan 15 kun o‘tishi kerakligini ma'lum qilgandi.