Srna «Barselona» bilan 1,5 yillik shartnoma bo‘yicha kelishuvga erishdi

Donetskning «Shaxtyor» klubi sardori Dario Srna «Barselona» bilan bir yarim yilga mo‘ljallangan shartnoma bo‘yicha kelishuvga erishdi.

«Tribuna.uz» xabariga ko‘ra Xorvatiyalik futbolchi hozirda bu shartnoma bo‘yicha kataloniyaliklardan rasmiy murojaat bo‘lishini kutmoqda.

Xabarlarga ko‘ra, Srna «Barselona» rahbariyati bilan norasmiy ravishda, yaqin do‘sti orqali aloqaga chiqqan. Katta ehtimol bilan bu ish Ivan Rakitich orqali amalga oshirilgan.

Bundan tashqari, Srna «Shaxtyor» prezidenti Rinat Axmetov uni Ispaniyaga tekinga qo‘yib yuborishga tayyorligini ham tasdiqlagan.