Ugandadagi to‘qnashuvlar oqibatida kamida 55 kishi halok bo‘ldi

Uganda g‘arbida politsiya va Kaserda Rvenzururu harakati hukumatga qarshi guruhining isyonchilari o‘rtasida to‘qnashuvlar oqibatida kamida 55 kishi halok bo‘ldi. Bu haqda mamlakat politsiyasiga iqtibos keltirgan holda France-Presse axborot agentligi xabar bermoqda. 

"To‘qnashuvlar davomida 14 politsiya va 41 jangari halok bo‘lgan", deb ma'lum qildi politsiya vakili Endryu Feliks Kaveyesi. Uning aytishicha, Uganda politsiyasi va armiyasining birgalikdagi bo‘linmalari Kasese shahri yaqinidagi hududni ko‘zdan kechirayotganda hujumga uchragan.

"Bosqinchilar hukumat kuchlariga qo‘lbola granata uloqtirishgan, buning oqibatida bir askar yarador bo‘lgan. Shundan keyin qo‘shinlar otishma boshlagan, buning oqibatida 4 isyonchi o‘ldirilgan. Bu voqea boshqa tumanlarda ham shunday to‘qnashuvlarni keltirib chiqargan", deb aytgan politsiya vakili.