Ar-Riyod Halabda insoniyatga qarshi jinoyatlar sodir etilayotganidan xavotir bildirdi

Bugun Suriyaning Halab shahrida yuz berayotgan xunrezliklar ushbu asrda insoniyatga qarshi amalga oshirilgan eng qo‘rqinchli jinoyat hisoblanadi, deb aytildi Saudiya Arabistoni tashqi ishlar vazirligi bayonotida.

"Ar-Riyod butun dunyo hamjamiyati ko‘z o‘ngida sodir bo‘layotgan Halabdagi dahshatli xunrezlikni xavotir bilan kuzatmoqda", deyilgan bayonotda.

Bayonotda ta'kidlanishicha, Saudiya Arabistoni mintaqaviy, xalqaro ishtirokchilar va do‘stona davlatlar bilan qon to‘kilishini to‘xtatish bo‘yicha aloqalarni qo‘llab-quvvatlamoqda.  

Bayonotda BMT Xavfsizlik kengashi tomonidan xalqaro tinchlik va xavfsizlikni ta'minlash bo‘yicha majburiyatlarning bajarilishi zarurligi ta'kidlab o‘tilgan.