Jahon banki Turkiya va Ozarboyjonga deyarli 1 milliard dollar beradi

Jahon banki Turkiya va Ozarboyjonga 800 million dollarlik kredit taqdim etishni rejalashtirmoqda. Bu Trans-Anatoliya gaz quvurini barpo etishga yo‘naltiriladi, deb xabar berdi RNS Jahon banki bayonotiga asosan.

«Jahon banki direktorlar kengashi Trans-Anatoliya gaz quvurini qurish uchun Turkiyaga 400 million va Ozarboyjonga 400 million dollar miqdorida kredit berishni ma'qulladi», - deb xabar bergan bank.

Ma'lum bo‘lishicha, ushbu loyiha Ozarboyjondagi gaz konlaridan olingan tabiiy gazni Turkiyaga, shuningdek, Ozarboyjon eksport bozorini diversifikatsiya qilish uchun uning hududi orqali – Yevropaga yetkazib berishni nazarda tutadi.

Avvalroq, Yevrokomissiya Ozarboyjonda gaz quvuri qurilishini ma'qullagani xabar qilingandi.