Video: Izmirda portlash sodir bo‘ldi

Turkiyaning g‘arbida joylashgan Izmir shahrida portlash ro‘y berdi. Bu haqda CNN Turk telekanalida xabar qilindi.

Telekanal ma'lumotiga ko‘ra, portlash sud binosi oldida ro‘y bergan. Xabar qilinishicha, voqea joyida avtomobil yonayotganini ko‘rish mumkin.

Hodisa joyiga tez tibbiy yordam mashinalari yetib kelgan.

Qurbonlar va jabrlanganlar haqida hozircha ma'lumot yo‘q.

Ma'lumot uchun, oxirgi kunlarda Izmir shahrida Istanbul terakti tashkilotchilarini qidirish bo‘yicha maxsus amaliyot davomida 40 kishi qo‘lga olindi. Ular IShID bilan aloqadorlikda gumon qilinmoqda.