Туркиянинг ғарбида жойлашган Измир шаҳрида портлаш рўй берди. Бу ҳақда CNN Turk телеканалида хабар қилинди.
Телеканал маълумотига кўра, портлаш суд биноси олдида рўй берган. Хабар қилинишича, воқеа жойида автомобиль ёнаётганини кўриш мумкин.
Ҳодиса жойига тез тиббий ёрдам машиналари етиб келган.
Қурбонлар ва жабрланганлар ҳақида ҳозирча маълумот йўқ.
Маълумот учун, охирги кунларда Измир шаҳрида Истанбул теракти ташкилотчиларини қидириш бўйича махсус амалиёт давомида 40 киши қўлга олинди. Улар ИШИД билан алоқадорликда гумон қилинмоқда.
