Video: Izmirda portlash: 10 kishi jarohatlangan, terrorchilar yo‘q qilingan

Turkiya politsiyasi Izmir shahridagi sud binosi oldida sodir etilgan portlashlarni uyushtirgan 2 terrorchini otishmalar davomida yo‘q qilgan.

CNN Turk ma'lumotiga ko‘ra, politsiyachilar uchinchi terrorchini qidirishmoqda.

Bu portlashlar sud binosi oldiga o‘rnatilgan 2ta mashina portlatilishi orqali sodir etilgan. Portlashlar oqibatida 10 kishi jarohatlangan.

Ma'lumot uchun, oxirgi kunlarda Izmir shahrida Istanbul terakti tashkilotchilarini qidirish bo‘yicha maxsus amaliyot davomida 40 kishi qo‘lga olindi. Ular IShID bilan aloqadorlikda gumon qilinmoqda.