Galaxy Note 7 smartfonining portlash sababi oshkor etildi
Samsung kompaniyasi mutaxassislari Galaxy Note 7 smartfonlarining o‘z-o‘zidan portlash sabablarini oshkor qilishdi. The Wall Street Journal kompaniyadagi manbasiga asoslanib, shu haqida xabar berdi.
Avval taxmin qilinganidek, portlash sabablari akkumulyatorlarda bo‘lgan. Manbaning xabar berishicha, ba'zi modellarda batareya haddan tashqari katta bo‘lgan va bu uning qizib ketishiga olib kelgan. Nosozlik faqatgina Samsung'ga qarashli korxonada ishlab chiqarilgan akkumulyatorlarda emas, balki Hongkongda ishlab chiqariluvchi Amperex Technology batareyalarida ham aniqlangan.
Tergovda Samsung bilan birga mustaqil ekspert sifatida ishtirok etgan bir necha begona kompaniyalar ham qatnashgan. Rasmiy hisobot 23 yanvar, dushanba kuni chop etiladi.
Galaxy Note 7 modeli 2016 yilning avgustida sotuvga chiqqan va ko‘p sonli portlash holatlari aniqlanganidan keyin sotuvdan olingan.
Mavzuga oid
22:24 / 19.09.2024
Samsung’ning Hindistondagi zavodi xodimlari ish tashlash e’lon qildi
21:48 / 18.09.2024
Xiaomi smartfon ishlab chiqarish bo‘yicha Apple kompaniyasini ortda qoldirdi
10:06 / 12.09.2024
Samarqandda gaz portlagan «dom» aholisi evakuatsiya qilinmoqda
20:52 / 30.08.2024