Avstraliyalik tezlikni oshirib yuborishda shamolni aybladi

Avstraliyaning Three Springs (uch chashma) shahri politsiyasi Twitter sahifasida bayonnoma suratini e'lon qildi. Unda, qoidabuzar avtomobil tezligini oshirib yuborishiga juda kuchli shamolni sabab qilib ko‘rsatgan. 

Qoidabuzar yuqori tezlikka o‘rnatilgan cheklovni 17 km soatga oshirib yuborgan. U soatiga 110 km belgilangan yo‘lda 127 km/soat tezlikda harakatlangan. Bayonnoma suratiga ko‘ra, unga 200 Avstraliya dollari miqdorida jarima solingan hamda haydovchilik guvohnomasiga 2 jarima balli kiritilgan. 

Haydovchi esa, izoh qoldirish qatoriga: «Shamol meni tezlashtirgan edi», - deya qayd etgan.