Video: Ona qizchasi liftga qisilib qolmasligi uchun uni tepib yiqitdi

Malayziyadagi binolardan birida ona o‘zining 3 yoshli qizchasi liftda qisilib qolishdan saqlanishi uchun uni oyoqlari bilan tepdi.

Hodisa tasvirlangan videoda ko‘rish mumkinki, qizcha liftga yaqinlashganida uning eshiklari yopilayotgandi. Ona esa bu lahzada tushunadiki, agar qizchani eshikdan uzoqlashtirmasa, u eshiklar orasida qoladi. Shunda u darhol oyoqlarini ishga solib, qizchasini yiqitgan va uni qisilib qolishdan saqlagan.

"Liftda sensorlar yo‘q edi, faqat ichkaridan ochish uchun tugma bor. Qizchaning omadi kelgan. Sal qolsa uni eshik qisib qolardi. Uning onasi bu vaziyatda sovuqqonlikni saqlagan holda aql bilan harakat qilib, qizchasini qutqargan", — deya binodagi qo‘riqchining so‘zlarini keltirgan Daily Mail.