Qozog‘iston va Rossiya prezidentlari fevral oxirida uchrashadilar

Qozog‘iston va Rossiya prezidentlari Nursulton Nazarboyev va Vladimir Putin 27 fevralda Olmaotada uchrashuv o‘tkazadilar, deb xabar bermoqda Oqo‘rda matbuot xizmatiga iqtibos keltirgan holda Tengrinews.kz.

Kreml sayti ma'lumotlariga ko‘ra, ikki davlat rahbarlari savdo-iqtisodiy va madaniy-gumanitar, energetika va koinot sohalaridagi ikki tomonlama hamkorlik masalalarini va xalqaro kun tartibidagi muhim mavzularni muhokama qilishadi. Yetakchilar Yevrosiyo integratsiyasini yanada ilgari surishning ba'zi jihatlariga to‘xtalib o‘tadilar.     

Putin shu kunning o‘zida Tojikiston prezidenti taklifi bilan Dushanbega tashrif buyuradi, 28 fevralda esa Bishkekka rasmiy safar uyushtiradi.