Buyuk Britaniyada gaz portlashidan jabrlanganlar soni 32 nafarga yetdi

Buyuk Britaniyaning Liverpul shahri yaqinidagi Nyu-Ferri shahrida ro‘y bergan baxtsiz hodisa oqibatda jabrlanganlar soni 32 nafarga yetdi. 

Bu haqda mahalliy tez yordam xizmati Twitter sahifasida xabar qildi. 

«Yangilanish: 30 «yura oladigan jarohatlanganlar» (yengil jarohatlar bilan) hamda 2 nafari jiddiy jarohatlar bilan shifoxonaga yotqizilgan», — deyiladi xabarda. 

Avvalroq, The Mirror gazetasi Mersisayd grafligining Nyu-Ferri shahrida gaz portlagani, 24 kishi jabrlangani xususida xabar qilgan edi. Ma'lumotlarga ko‘ra, fojia Xitoy restorani va raqs studiyasida yuz bergan, bino to‘liq yo‘q bo‘lgan.