Dubay valiahdi sahroda qolib ketgan yuk mashinasi egasiga yordam berdi

Dubay amirining o‘g‘li va valiahd Hamdon ibn Muhammad Al-Maktum sahroda qumlar orasiga botib qolgan yuk mashinasi haydovchisiga yordam ko‘rsatdi. Valiahdning Instagram tarmog‘i orqali taqdim etilgan videosi to‘rt kun ichida 54 ming martadan ortiq ko‘rildi. 

Hamdon o‘zining Mercedes-Benz'iga tros ulab, mashinani oldinga torta boshladi. Tros bir necha marta uzilib ketdi, lekin oxir-oqibat yuk mashinasini "qum tuzoq"dan olib chiqishga muvaffaq bo‘lindi. 

Hamdon ibn Muhammad Al-Maktum - Dubay amiri Muhammad ibn Rashid Al-Maktumning o‘g‘li. U 2008 yildan buyon Dubay valiahdi hisoblanadi. Hamdon xayriya ishlariga ko‘p vaqt va mablag‘ sarflaydi. Shahzoda dunyoning eng havas qilgulik bo‘ydoqlaridan biri sifatida e'tirof etiladi.