Avstraliyada o‘rgimchakning 50 yangi turi kashf qilindi

Avstraliyada o‘rgimchaklarning 50 yangi turi kashf qilindi. Tadqiqotchilar Kvinslend shimolidagi Keyp-York yarimoroliga uyushtirgan 10 kunlik ekspeditsiyasidan keyin ana shunday bayonot bilan chiqishdi. The Guardian shu haqida ma'lum qildi. 

Manbaga ko‘ra, ekspeditsiya ro‘yxatidan Maratus o‘rgimchaklarining yorqin rangli yangi turi, chumolixo‘r o‘rgimchaklarning yangi turlari, Supunna o‘rgimchaklarining old oyoqlari oq-qora bo‘lgan yana bir vakili va Mygalomorphae oilasiga mansub yirik qora o‘rgimchak kabilar o‘rin olgan.

Bugungi kunda Avstraliya hududida o‘rgimchaklarning jami 3500 mashhur turi mavjud bo‘lib, yana 7-15 ming turining  tasniflanishi kutilmoqda. Ularning deyarli barchasi beozor va insonga jiddiy ziyon yetkazmaydi.