AQSh Shimoliy Koreya tomondan raketa zarbasi berilishi mumkinligiga shubha bildirdi

AQSh milliy xavfsizligi vaziri Jon Kellining fikricha, ayni vaqtda Shimoliy Koreya tomondan raketa zarbasi berilishi dargumon ko‘rinadi. Kelli bu haqda NBC telekanaliga bergan intervyusida aytib o‘tdi.

"Shimoliy Koreyaga kelsak, Shimoliy Koreya tomonidan hoziroq AQShga jismoniy tahdid mavjud, deb o‘ylamayman, biroq kiberhududda ma'lum xavf bor", deb aytgan vazir.

9 aprelda AQSh qurolli kuchlarining Tinch okeani qo‘mondonligi Koreya yarimoroli tomon harbiy-dengiz kuchlarining Carl Vinson aviatashuvchi kemasi boshchiligidagi zarba beruvchi guruhini yo‘naltirgani ma'lum bo‘ldi. AQSh ma'muriyatining bu qarori Shimoliy Koreya rahbariyatida tashvish uyg‘otdi. Shimoliy Koreya AQSh raketa zarbasi berishi mumkinligini istisno qilmayapti. 

Bunday sharoitlarda Pxenyan Vashingtonning tajovuzkor siyosatiga javoban o‘zining raketa-yadroviy salohiyatini mustahkamlashini ma'lum qilgan. Koreya xalq armiyasi bosh shtabi AQSh va uning ittifoqdoshlarining harakatlariga qat'iy choralar ko‘rishga va'da bergan.