«Bavariya» inqirozi davom etadi. 10 kishi qolgan «Bayyer» mag‘lub etilmadi

Germaniya bundesligasining 29-turidan o‘rin olgan markaziy uchrashuv yakunlandi. Unda «Bavariya» Leverkuzenda «Bayyer»ni mag‘lub eta olmadi.

Uchrashuvning 59-daqiqasida «Bayyer» maydonda bir kishi kam bo‘lib qoldi. Lekin shunga qaramay uchrashuvda tomonlar bir-biriga gol kiritishni uddasidan chiqa olmadi. Natijada «Bavariya» ketma-ket beshinchi marta «Bayyer» uyidan g‘alabasiz qaytadigan bo‘ldi.

Endilikda peshqadam «Bavariya» va «Leyptsig» o‘rtasidagi ochkolar farqi 8tagacha qisqardi.

Germaniya bundesligasi, 29-tur

Bayyer – Bavariya 0:0
Bayyer: Leno, Xilbert, Vendell, Yedvay, Toprak, Kampl, Xavertts (Beyli, 88), Arangis (Dragovich, 62), Baumgartlinger, Brandt (Belarabi, 66), Folland.
Bavariya: Noyyer, Martines (Lam, 72), Alaba, Rafinya, Bernat, Alkantara, Vidal, Kimmix, Duglas Kosta (Robben, 60), Koman (Xabi Alonso, 70), Myuller.
Ogohlantirishlar: Arangis (37), Yedvay (50).
Chetlatish: Yedvay (59).