«Borussiya» «Bavariya»ni yengib Germaniya kubogi finaliga yo‘l oldi
Dortmundning «Borussiya» klubi Germaniya kubogi yarim final bahsida «Bavariya» jamoasini mag‘lub etib, finalga yo‘l oldi. Myunxenning «Alyants-Arena» stadionida bo‘lib o‘tgan uchrashuv 3:2 hisobida mehmonlar foydasiga hal bo‘ldi.
19-daqiqada Rafael Gerreyro to‘pni egallab olib, darvoza tomon yugurdi va ustunni nishonga oldi, Marko Roys qaytgan to‘pga birinchi bo‘lib yetib keldi va hisobni ochdi. Birinchi yarim soatlik yakunlanib borayotgan vaqtda Xavi Martines havodagi kurashda ustun kelib, to‘pni boshi bilan darvozaga joyladi. 41-daqiqada Frank Riberi himoyachini himoyachini aldab, jarima maydoni markaziga to‘pni yetkazdi. Bu yerda Mats Xummels pastki burchakni aniq nishonga oldi.
69-daqiqada Usmon Dembele o‘ng qanotdan jarima maydoniga kirib kelib, to‘pni uzoq ustun tomon yo‘lladi, bu yerdan Per-Emerik Obameyyang boshi bilan bo‘sh qolgan darvozani ishg‘ol qildi. Oradan besh daqiqa o‘tgach, Roys tezkorlik bilan amalga oshirilgan qarshi hujumda Gerreyrodan to‘pni qabul qilib olgach, Dembelega uzatdi. U esa himoyachini aldab o‘tib, uzoq yuqori burchakka aylanuvchi zarba berdi.
Kurashlarga boy bo‘lgan uchrashuvda g‘alaba qozongan «Borussiya» D Germaniya kubogi finalida «Ayntraxt» bilan kuch sinashadi.
Mavzuga oid
12:27 / 18.09.2024
«Real»da yangi yulduz porladi, «Bavariya» 9 ta gol urdi. YeChLda kun o‘yinlari
20:23 / 29.05.2024
Vensan Kompani – «Bavariya» bosh murabbiyi
17:58 / 25.05.2024
«Barselona» va «Bavariya»ning yangi murabbiylari ma’lum bo‘ldi
17:31 / 19.05.2024