Le Pen va Dyupon-Enyan saylovoldi koalitsiyasini tashkil etishdi

Fransiyaning "Milliy front" partiyasi va "Uyg‘on, Fransiya" harakati saylovoldi ittifoqini shakllantirishga qaror qildi. Bu haqda qo‘shma matbuot anjumanida ularning yetakchilari Marin Le Pen va Nikolya Dyupon-Enyan ma'lum qildi.

"Biz katta respublikachi va vatanparvarlik alyansini tashkil etamiz. Biz birgalikda qo‘shma hukumat dasturimizni himoya qilamiz", - degan Marin Le Pen. 

Uning qayd etishicha, u hamfikrining qarorini jasurlik deb hisoblaydi. Shunga ko‘ra, Le Pen prezidentlik saylovlarida g‘alaba qozongudek bo‘lsa, "Dyupon-Enyan mamlakat bosh vaziri bo‘ladi", - deya va'da bergan Marin Le Pen.